بسم الله الرحمن الرحيم
Hemd û sena û şukranî
Ji bo wî xaliqê rehmanî
Ku fesahet û beyan daye lîsanî
Lîsan daye însanî
Hindî selawet in hemî
Li resûlê me yê ummî
Ku bûne peyrewê di wî
Ereb û Ecem û Kurmanc û Romî
Ji paş hemd û selawatan
Ev çend kelime ne ji luxatan
Vêk êxistin Ehmedê Xanî
Navê „Nûbihara Biçûkan“ lê danî
Ne ji bo sahib rewacan
Belkî ji bo biçûkêt Kurmancan
Wekî ji Quranê xelas bin
Lazim e li sewadê çavnas bin
Da bi van çend reşbelekan
Li van tebîet melekan
Derê zihne vebitin
Herçî bixûnit zehmetî nebîtin
Umida me ji tifalan
Ku em emelbetalan
Di weqtê dewr û dersan
Bikin in´am û îhsan
Bi di´an me bîrî bînin
Fatiha ji me ra bixwûnin!
